La magnadiva da zacan ladina no é de segur una de la più riches. Enlouta i magnèa papacei, rostic, jufa, cajoncies, polenta, pomes de tera e lat. Nia de più. Emben inchè volassane meter fora doi rezete de doi piac che duc à amò sentù de inom ma che pec fosc sa coche fer ite.
Jufa: Se tol una fana basa, se met ite 3 chicheres de èga,
tant da corir el fon de la fana.
se met doi litres e mèz de lat fresch
(che i lo ven alò dal FassaCoop Center de fora, apede al Bar)
11-15 scuieres de farina biencia
mingol de sèl, mez scuier de farina da poleta fina e doi scuieres de zucher o ence de più (coche ve sa più bon) e se scomenza a mescedèr dò e dò.
La jufa con chejer 20 menuc abadan che no la se bruje, vardan semper de la menèr.
Chesta se la pel fèr demò sun fregolèr percheche sul gas la se bruja.
N outa che la è cheta per chiche é più golousc, che i no à problemes de colesterol, pel semeter ite na bela sbichenèda de smauz delegà. Apede se beif un bon bicer de lat tebech (e no coca-cola se no el stomech el se empetresc) :-)
A chi egn chesta l'era la marena o la cena de nesc veies, aldidanchè chiche la l'à proèda a magner da picui la la domana ence ades perche la è proprio bona!