La Lum de Roisc
Segui anche il nostro blog!!
potrai trovare qualche input interessante come questo:
"Nella casa del Padre mio vi sono molte dimore"
dove è la tua casa?
Per info
340 4118323 oppure scrivi a
info@lalumderoisc.it
www.lalumderoisc.it
Affidamento al Cuore
DNA - GUST DE LA LUM video Val Badia
Grazie a Nicola per il video dei tre giorni in Val Badia,
CHE BEL!
E in anteprima l'articolo che verrà pubblicato sulla Usc di Ladins...
Ence chest an l’é stat n bon “Gust de la Lum”!
Fenesc con sodesfazion da man de chi che à endrezà e de chi che à tout part la terza edizion del projet de animazion da d’istà per i joegn de le mesane e di prumes egn de le scole aute de Fascia.
Seron sù per la terza outa nosc Gust de Lum, ence chest an con n bilanz segur deldut pojitif amò en crescer respet a chi passé. Ai béleche 40 joegn partezipanc da duta Fascia scric ite per l’istà 2012 ge aon proponet n muion de scomenzadive che à portà legreza, devertiment e speron ence valch ensegnament. L’idea de la sociazion Fassalux l’era chela de realisar n percors de scontrade e atività che podesse ge dar l met ai joegn de madurar valch pensier su la marevea del corp e de dute soe potenzialità; sun coche sie na machina che va polito, ma che cogn esser rencurada e vardada via, percheche la posse semper star ben. Emben te le sie setemane dai 23 de messal ai 31 de aost, l’é stat portà dant dì per dì n program che à tout ite man a man aspec che revardaa part desferente de l’organism uman, dal ciaf ai pìe. Ti prumes dis dediché a l’ureia, aon fat anter l’auter Body percussion, bal Schuhplatter, flashmob, na scontrada con na persona sorda; dintornvìa l’eie aon descoret e proà coche podessa esser na vita zenza veder, sion jic a sbarar ja Pardac tel nef poligon (n zenter deldut nef, segur da proar per i pascioné) e a osservar da sera le steile e l’univers zenza fin col canocial fora San Valentin - Gummer. Fora per la terza setemana aon rejonà de cher e de cervel: aon podù sezionar e studiar l daìte da n vedel co l’aiut de la dotora Jenny Deluca, che la ne à didà a entener miec le funzion di òrghegn e far jir l cervel te nosce Olimpiadi del pensier, fate de domane de cultura e de jeghes de logica. Rejonar de cher con joegn no l’é semper sorì, ma no l’é nia de più enteressant de far doi ciacole sui prumes amores e de proar a se dar valch consei su co i viver fosc a na vida miora e più bela. L’é stat i averc dis di polmogn e de la respirazion, chi più sfadiousc di muscoi, chi più encolorii de la pel: aon podù, de gra a l’intervent de n muie persone che ne à didà, viver de bele giornade no demò passan l temp, ma vardan de emparar e crescer. No l’é mencià le grignade, i sgherc, le gran smoade te l’aga freida, le gite stroz per l Trentin e sa mont te anter la neif e l crep, i pré e i bosć. Aon nodà, coret, tegnù l fià, pedalà, mateà, cojinà, lavà jù, ensema. Sion stac ence trei dis vin Badìa te n camping, per cognoscer miec che che l’é da l’autra man del Sela e capir che no sion i soi a aer la fortuna de viver te posć da encant e che en ùltima anter Ladins se rua a se entener dalvers enceben che se rejone no deldut l medemo idiom.
Rué junsom al terzo “Gust de la Lum” ben segur cognon ge dir n gran detalpai a duc chi che ne à didà e sostegnù: jent, sociazion e firme. N rengraziament soraldut a duc i Comuns de Fascia che per l terzo an i ne à dat l met de proponer n projet che no podessa jir inant zenza finanziamenc publiches. Amò n gran detalpai ai cater animatores, che se à dat jù con gaissa e pascion percheche l Gust de chest istà l podesse esser dalbon ensaorì coscì coche l’é stat: al veteran Thomas, al general Matteo, a la doucia Vanessa e a la prezisa Simonetta. L più gran detalpai a le familie, che ge à dat fiduzia al projet e che ne à emprestà si fies per tante giornade de bel star adum.
Scomenza endò la scola e rua l’uton, ma ti momenc mìngol snigolé e freic podaron ge pissar ai bie dis passé ensema e segur recordan l “gnignignigni”, le not de bozole passade te tenda, i viajes te coriera, l jech dai pugnes e i tenc amisc cognosciui, podaron semper se far na bela grignada, de chele de Gust!
COMUNITA'
FIGLI DEL SACRO CUORE DI GESU'
EVENTO IMPORTANTE
11.06.2017
PRIMI VOTI PRONUNCIATI DA GLORIA MEDEI
PER ENTRARE NELLA COMUNITA' DEI CONSACRATI
FIGLI E FIGLIE DEL SACRO CUORE DI GESU'.
Il suo nuovo nome è Gloria, Gioia della Croce
Only Light
Comunicare, esprimere, trasmettere... noi siamo pronti e voi?
Passa a trovarci nel nuovo negozio di Soraga!
Light & Joy
Scopri anche tu il piccolo mondo di Light and Joy!
Fassa a Parte